На мінулым тыдні ў беларускай сям'і прыбыло: клятву вернасці Беларусі далі трое новых грамадзян. Новымі грамадзянамі Беларусі сталі выхадцы з Казахстана, Літвы і Украіны. Гэта Людміла Ковач, Віталь Рымшаліс і Віктар Бабчук. Усе трое даўно "прыраслі" да нашай зямлі: жывуць тут каля 30 гадоў, узялі шлюб з беларусамі, іх дзеці маюць грамадзянства нашай краіны. Пасля доўгіх роздумаў вырашылі далучыцца да беларускай сям'і і яны.