Віншуем вас з цудоўным святам — 8 Сакавіка! Гэта свята вясны і зачаравання. Яно ўвасабляе ў сабе неўвядальную прыгажосць і пяшчоту, дабрыню і любоў, з'яўляецца сімвалам вечнага працягу жыцця. Сёння вы нароўні з мужчынамі дасягаеце неверагодных вышынь у любой сферы - палітыцы, грамадскім жыцці, навуцы, бізнэсе, спорце. І пры гэтым клапоціцеся аб сям'і, атачаючы ўвагай сваіх родных і блізкіх, захоўваеце цеплыню хатняга агменю, выхоўваеце дзяцей. Вы валодаеце невычэрпнай цярплівасцю і мудрасцю, натхняеце нас, мужчын, на высакародныя ўчынкі і здзяйсненні.
Дарагія жанчыны! Няхай здзяйсняюцца ўсе вашы надзеі і мары, кожны дзень будзе азораны шчаслівымі ўсмешкамі, а разам з водарам вясновых кветак у ваша жыццё ўвойдуць радасць і дабрабыт.
Жадаем вам моцнага здароўя, кахання і падтрымкі блізкіх, узаемаразумення, душэўнай гармоніі!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
Дарагія жанчыны!
Віншую вас з самым далікатным вясновым святам - Днём жанчын! Яно адзначаецца ў пачатку вясны не выпадкова: жанчына шмат у чым падобная на гэту цудоўную пару года - пакорлівасцю, прыгажосцю, эмацыйнасцю, вясёлкавай насычанасцю пачуццяў. Менавіта дзякуючы цудоўнай палове чалавецтва, яе любові і дабрыні мы пераадольваем усе нягоды, з надзеяй глядзім у будучыню. Бо цеплыня і ласка сэрца жанчыны — маці, жонкі, каханай — лепшае, што можа быць у жыцці.
Паважаныя жанчыны! Няхай пра вас заўсёды клапоцяцца мужчыны, любяць вас, шануюць, паважаюць і засцерагаюць, а гэта ў сваю чаргу дорыць вам натхненне для новых поспехаў і здзяйсненняў.
Павел Сільчонак, дэпутат Палаты прадстаўнікоў Нацыянальнага сходу Рэспублікі Беларусь