Напярэдадні заканчэння летніх школьных канікул і ў сувязі з пачаткам новага навучальнага года дзяцей прагназуецца рост аб'ектыўных пагроз забеспячэння бяспекі дзяцей на дарозе. У сувязі з чым з 25 мая па 5 чэрвеня Дзяржаўтаінспекцыя праводзіць рэспубліканскі спецыяльны комплекс мерапрыемстваў па папярэджанні дарожна-транспартных здарэнняў з удзелам непаўналетніх "Увага - дзеці!".
У дні правядзення спецмерапрыемства рух транспартных сродкаў у светлы час сутак павінен ажыццяўляцца з уключаным блізкім святлом фар — для прыцягнення ўвагі дзяцей і ўсіх удзельнікаў дарожнага руху.
Асаблівая ўвага будзе засяроджана на правядзенні прафілактычнай работы з бацькамі. Міліцыянеры наведаюць працоўныя калектывы, растлумачаць дарослым прычыны і наступствы ДТЗ з удзелам дзяцей, нагадаюць аб правілах бяспечнай перавозкі непаўналетніх, адказнасці за парушэнні ПДР, а таксама неабходнасці асабістых прыкладаў правільных і бяспечных паводзін на дарозе.
ДАВЕДКА:
Па стане на 16.05.2024 года на тэрыторыі Віцебскай вобласці зарэгістравана 14 дарожна-транспартных здарэнняў (у 2023 годзе - 12), у якіх раненні атрымалі 15 непаўналетніх (у 2023 годзе -14), загінула - 0 (у 2023 - 1).
Узрасла колькасць ДТЗ з удзелам непаўналетніх (з 12 да 14 ДТЗ, +2), паранена 15 дзяцей. Рост ДТЗ гэтага віду зафіксаваны ў Бешанковіцкім, Пастаўскім, Ушацкім раёнах (з 0 да 1 у кожным), г. Полацку (з 0 да 2) і г. Віцебску (з 3 да 7).
Устаноўлены рост колькасці ДТЗ з удзелам дзяцей-пешаходаў (з 5 да 7 ДТЗ, +2), у якіх раненні атрымалі 7 непаўналетніх. Гэтыя ДТЗ мелі месца ў Талачынскім раёне і г. Полацку (па 1 у кожным), а таксама ў г. Віцебску (5).
Знізілася колькасць ДТЗ з удзелам дзяцей-пасажыраў (з 5 да 4 ДТЗ, -1), у якіх 5 непаўналетніх атрымалі раненні. Указаныя ДТЗ мелі месца ў Полацкім, Ушацкім раёнах і г. Полацку (па 1 у кожным), а таксама ў Бешанковіцкім раёне (2).
Таксама ўзрасла колькасць ДТЗ з удзелам дзяцей-веласіпедыстаў (з 1 да 2), у якім 2 дзіцяці атрымалі раненні. Гэтыя ДТЗ мелі месца ў г. Віцебску.