Размова пра будучыню – так кіраўнік раёна Сяргей Чэпік ахарактарызаваў галоўнае пытанне, вынесенае на парадак дня сённяшняга адкрытага пасяджэння райвыканкама.
Размова пра будучыню - так кіраўнік раёна Сяргей Чэпік ахарактарызаваў галоўнае пытанне, вынесенае на парадак дня сённяшняга адкрытага пасяджэння райвыканкама: "Аб выніках сацыяльна-эканамічнага развіцця Пастаўскага раёна за мінулы перыяд 2024 года і павышэнні эфектыўнасці работы арганізацый". У пасяджэнні прынялі ўдзел старшыня Палаты прадстаўнікоў Нацыянальнага сходу Беларусі Ігар Сергеенка, Старшыня Праўлення Нацыянальнага банка Павел Калаур, намеснік старшыні Віцебскага абласнога выканаўчага камітэта Анжаліка Нікіціна. Нагадаўшы, што на сённяшні дзень з 17 даведзеных да раёна прагнозных паказчыкаў выкананы 12, Ігар Сергеенка сказаў:
– Паводле ацэнак цэнтра, Пастаўскі раён знаходзіцца ў верхняй палове турнірнай табліцы Віцебскай вобласці – пятае месца, дастаткова высокае. Але спачываць на лаўрах не даводзіцца.