Віншуем вас з дзяржаўным святам — Днём Канстытуцыі Рэспублікі Беларусь!
15 сакавіка - асаблівая дата для нашай краіны. 30 гадоў таму ў гэты дзень быў прыняты Асноўны Закон нашай дзяржавы, які абвясціў чалавека вышэйшай каштоўнасцю, а яго правы і свабоды - нязменнымі прыярытэтамі дзяржавы. У Канстытуцыі замацаваны неад'емныя правы чалавека і гарантыі іх рэалізацыі, узаемныя абавязкі грамадзяніна і дзяржавы, закладзены ключавыя прынцыпы ўладкавання краіны. Гэты дакумент, які мае вышэйшую юрыдычную сілу, з'яўляецца трывалым фундаментам для фарміравання сучаснай палітычнай сістэмы, стварэння новай нарматыўна-прававой базы, забеспячэння далейшага развіцця Беларусі.
Сёння Дзень Канстытуцыі сімвалізуе сучасную Беларусь — суверэнную дзяржаву, сіла якой у згуртаванасці і адзінстве нашага народа. Мы ўсведамляем, наколькі вялікая адказнасць кожнага з нас перад будучымі пакаленнямі, як важна зберагчы нацыянальныя традыцыі і духоўна-маральныя каштоўнасці, найбагацейшую культурную і прыродную спадчыну. Усе мінулыя гады былі насычаны маштабнымі пераўтварэннямі, рабілася ўсё магчымае для ўмацавання эканомікі, павышэння бяспекі дзяржавы, сацыяльнай абароненасці грамадзян.
Дарагія сябры, ганарыцеся сваёй краінай, яе гісторыяй і дасягненнямі! У гэта дзяржаўнае свята ад усёй душы жадаем здароўя, дабрабыту, стабільнасці, упэўненасці ў заўтрашнім дні і новых поспехаў на балазе нашага раёна і краіны!
Сяргей Чэпік, старшыня раённага выканаўчага камітэта
Юрый Кісялёў, старшыня раённага Савета дэпутатаў