ДАІ ўзмацніла кантроль за бяспекай пешаходаў, веласіпедыстаў і матацыклістаў

З 19 па 26 красавіка 2023 года Дзяржаўтаінспекцыя праводзіць прафілактычныя мерапрыемствы, накіраваныя на папярэджанне ДТЗ з удзелам веласіпедыстаў, асоб, якія перамяшчаюцца на сродках персанальнай мабільнасці, а таксама вадзіцеляў мотатранспарту.

Асабісты склад дарожнай міліцыі будзе патруляваць напружаныя ўчасткі дарог. Нарады ДПС будуць набліжаны да аварыйна небяспечных пешаходных пераходаў, месцаў масавага збору людзей і навучальных устаноў. Пад асаблівым кантролем інспектараў будуць пешаходы, веласіпедысты і дзеці, якія перамяшчаюцца на сродках персанальнай мабільнасці.

Пільная ўвага будзе ўдзелена і вадзіцелям, якія не даюць перавагі ў руху пешаходам.

Аляксандр Арэхаў, начальнік АДАІ АУС райвыканкама