Беларускі саюз жанчын павіншаваў Маргарыту Цыбульскую з нараджэннем сына Міраслава

10 мая 2022 г. у сям'і Маргарыты і Максіма Цыбульскіх нарадзіўся трэці сыночак –Міраслаў. Напярэдадні Дня сям'і павіншаваць маці з гэтай падзеяй у радзільнае аддзяленне прыйшлі прадстаўнікі ГА «Беларускі саюз жанчын» і начальнік аддзела загса Пастаўскага райвыканкама Аніта Несцяровіч.

– Віншуем вас з волатам, нарадзіўшымся паміж двума святамі, Днём Перамогі і Днём сям'і, - казалі маладой маме госці. - расціце здаровымі, моцнымі, каб ваш сыночак стаў надзейным мамчыным абаронцам. Няхай ваш малыш расце на радасць вам і вашаму мужу. Вы ўжо сталі шматдзетнай сям'ёй, і мы будзем чакаць вас за сямейным капіталам.

Госці ўручылі шматдзетнай маме кветкі і падарункі, а начальнік аддзела загса - першы дакумент - пасведчанне аб нараджэнні.