Інклюзіўны фестываль «Асаблівыя, як усе» збярэ 20 жніўня ў Пастаўскім раёне больш за 150 сем'яў з дзецьмі з асаблівасцямі развіцця.
У фестывалі, які традыцыйна пройдзе ў спартыўна-турыстычным комплексе «Азеркi», прымуць удзел бацькі і іх дзеці, якія маюць складаныя дыягназы - ДЦП, аўтызм, сіндром Дауна і інш. Гэта сем'і не толькі з Пастаўскага, але і з Ушацкага, Верхнядзвінскага, Глыбоцкага, Браслаўскага, Міёрскага і іншых раёнаў вобласці прыедуць на свята, якое для іх арганізуюць ужо чацвёрты раз.