«Актыўнае даўгалецце-2030»: 19 мая ў Паставах адбылася сустрэча сяброў

У рамках рэалізацыі Нацыянальнай стратэгіі і Праграмы «Актыўнае даўгалецце-2030», «Турыстычная сцежка» 19 мая ў Паставах адбылася сустрэча сяброў. У горад прыехалі ўдзельнікі спартыўна-аздараўленчых клубаў «Імпульс» з Ушач, «Эдэльвейс» з Глыбокага і аматарскага аб'яднання «Спадчына» з аграгарадка Падсвілле.

Гасцей цёпла віталі намеснік старшыні райвыканкама Станіслаў Чымбург і старшыня райсавета ветэранаў Ганна Літвіновіч. А яны падзяліліся досведам дзейнасці сваіх грамадскіх аб'яднанняў. Потым пабывалі ў аддзяленні дзённага знаходжання пажылых грамадзян, музеі ў палацы Тызенгаўзаў, на плошчы Леніна. Завяршылася сустрэча на спартыўна-турыстычным комплексе «Азяркi».