Згодна з рашэннем Камісіі па надзвычайных сітуацыях пры Савеце Міністраў Рэспублікі Беларусь у чацвер чацвёртага тыдня верасня штогод у фармаце аднаго дня будзе праходзіць акцыя «Адзіны дзень бяспекі». У гэтым годзе днём бяспекі стане 22 верасня. На Пастаўшчыне месцам правядзення стане пляцоўка перад кінатэатрам «Радзіма», пачатак мерапрыемства ў 13:00. Усім гасцям будуць прадэманстраваны спецыяльнае абмундзіраванне экстраных служб, мора эмоцый і вядома ж канцэртная праграма.
Штогадовая акцыя праводзіцца з мэтай развіцця ў грамадстве культуры бяспекі жыццядзейнасці, правядзення адукацыйна-выхаваўчай работы з падрастаючым пакаленнем і прапаганды бяспечных умоў пражывання насельніцтва.
У гэты дзень у працоўных калектывах, а таксама ва ўстановах адукацыі адбудуцца прафілактычныя мерапрыемствы па папярэджанні надзвычайных сітуацый, правапарушэнняў і злачынстваў, а таксама навучанне паводзінам ва ўмовах НС, аварый, аказанні першай медыцынскай дапамогі.
«За гэты час пройдзе мноства навучальных прафілактычных мерапрыемстваў па папярэджанні надзвычайных сітуацый, правапарушэнняў і злачынстваў і навучанне правілам паводзін ва ўмовах розных НС. Інфармацыйныя матэрыялы да Адзінага дню бяспекі будуць шырока трансліравацца ў СМІ, на інтэрнэт-рэсурсах і ў месцах масавага знаходжання людзей», - распавялі ў ведамстве.