Камісія па прафілактыцы вытворчага траўматызму і прафесійнай захваральнасці пры Пастаўскім райвыканкаме паведамляе аб тым, што у адпаведнасці з распараджэннем старшыні Віцебскага аблвыканкама ад 23 сакавіка 2022 г. № 614р «Аб мерапрыемстве «Тыдзень нулявога траўматызму», распараджэннем старшыні Пастаўскага райвыканкама № 117р ад 27.05.2022 у перыяд з 7 па 13 лістапада 2022 года на тэрыторыі Пастаўскага раёна будзе праводзіцца мерапрыемства «Тыдзень нулявога траўматызму».
Тыдзень нулявога траўматызму праводзіцца з мэтай забеспячэння бяспекі і здароўя работнікаў на працоўных месцах, прадухілення выпадкаў вытворчага траўматызму ў арганізацыях, недапушчэнні ніводнага выпадку траўміравання ў арганізацыях у гэты перыяд шляхам аператыўнага выяўлення парушэнняў норм аховы працы і прымянення мер па іх устараненню.
Правядзенне Тыдня нулявога траўматызму ў арганізацыях з'яўляецца дадатковым мерапрыемствам да штодзённай працы па ахове працы і адным з эфектыўных спосабаў кантролю за выкананнем заканадаўства аб ахове працы.
Асноўнымі мерапрыемствамі пры правядзенні Тыдня нулявога траўматызму з'яўляюцца:
забеспячэнне бяспекі работнікаў на працоўных месцах;
забеспячэнне работнікаў сродкамі індывідуальнай абароны, санітарна-бытавымі памяшканнямі, змываючымi і абясшкоджваючымі сродкамі;
навучанне бяспечным метадам і прыёмам выканання работ, правядзенне інструктажу, стажыроўкі і праверкі ведаў па пытанням аховы працы;
арганізацыя кантролю за станам умоў працы на працоўных месцах, а таксама за правільнасцю прымянення сродкаў індывідуальнай абароны;
размяшчэнне на стэндах, у кутках па ахове працы інфармацыі аб правядзенні Тыдня нулявога траўматызму, наглядна-выяўленчай інфармацыі аб бяспечных прыёмах і метадах працы;
правядзенне Дзён аховы працы, семінараў, нарад, конкурсаў, выстаў і іншых мерапрыемстваў па пытаннях аховы працы.
Кіраўнікам па выніках правядзення Тыдня нулявога траўматызму ў арганізацыях рэкамендуецца:
правесці нарады (сходы, Дні аховы працы) з удзелам кіраўнікоў, галоўных спецыялістаў, работнікаў служб аховы працы, прадстаўнікоў прафсаюзаў;
прааналізаваць праведзеную працу па выяўленні і ліквідацыі траўманебяспечных сітуацый на вытворчасці, прыняць меры па іх устараненню;
прызначыць асоб, адказных за ўстараненне выяўленых парушэнняў, а таксама тэрміны ўстаранення;
выпрацаваць прапановы па прывядзенні ўмоў і аховы працы ў адпаведнасць з нарматыўнымі патрабаваннямі;
унесці (пры неабходнасці) карэкціроўкі ў дзеючую сістэму кіравання аховай працы (СКАП).
Мабільнай групай па аказанні практычнай і метадычнай дапамогі ў забеспячэнні захавання заканадаўства аб ахове працы, у склад якой уваходзяць прадстаўнікі кантрольна-наглядных органаў, прафсаюзаў, будуць праведзены маніторынгі працы па забеспячэнні бяспечных умоў працы ў арганізацыях раёна.