Паважаныя работнікі жыллёва-камунальнай гаспадаркі і бытавога абслугоўвання насельніцтва! Віншуем вас з прафесійным святам! Ваша праца нялёгкая, але вельмі неабходная. Вы выконваеце сацыяльна важную функцыю - ствараеце камфортнае жыццё людзям. І менавіта ад якасці аказаных вамі жыллёва-бытавых паслуг, аператыўнасці вашай работы залежыць іх настрой.
Жадаем вам фізічных і маральных сіл, цярпення, паразумення з кліентамі! Няхай на працы здараецца як мага менш непрадбачаных сітуацый, а магчымасцей для рэалізацыі планаў будзе як мага больш. Няхай кожны дзень прыносіць вам задавальненне ад выкананай працы. Моцнага ўсім здароўя, дабра, дабрабыту і шчасця!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
Дарагія калегі, паважаныя ветэраны!
Прыміце шчырыя віншаванні з прафесійным святам — Днём работнікаў бытавога абслугоўвання насельніцтва і жыллёва-камунальнай гаспадаркі! У нашым калектыве на розных участках занята больш за 400 чалавек. Праца ў сістэме ЖКГ нялёгкая, але ў нас працуюць людзі, здольныя дзейнічаць выразна і зладжана, праяўляць прафесіяналізм.
Выказваю глыбокую ўдзячнасць ветэранам і ўсім работнікам прадпрыемства. Няхай праца на карысць жыхароў нашага раёна вас натхняе і прыносіць задавальненне. Жадаю моцнага здароўя, аптымізму, прафесійнага і асобаснага росту, дабрабыту і поспехаў у працы!
Фёдар Танана, дырэктар УП ЖКГ Пастаўскага раёна