![](https://postavy.vitebsk-region.gov.by/images/storage/news/thumb/000640_871048.jpg)
Будслаў – невялікая вёска ў Мядзельскім раёне. А ў ёй – Нацыянальны санктуарый Маці Божай Будслаўскай з цудадзейным абразом на галоўным алтары. На працягу больш чым 400 гадоў 2 ліпеня сюды збіраюцца тысячы вернікаў. Шлях пераадольваюць па-рознаму: на аўтамабілях, аўтобусах, веласіпедах, пешшу. Сёлета ў Будслаў прыйшлі 16 арганізаваных пешых пілігрымак: 9 – з Мінска-Магілёўскай архідыяцэзіі, 1 – з Пінскай дыяцэзіі, 6 – з Віцебскай. Усяго 1 862 пілігрымы. Сярод іх 204 – з Пастаў.