10 красавіка 2023
Золатавалютныя рэзервы Беларусі за сакавік 2023 года выраслі да $8,1 млрд
Міжнародныя рэзервовыя актывы Беларусі на 1 красавіка 2023 года, паводле папярэдніх даных, склалі $8098,6 млн у эквіваленце, паведамляе БЕЛТА са спасылкай на сайт Нацыянальнага банка.
За сакавік 2023 года золатавалютныя рэзервы выраслі на $329,1 млн (на 4,2 працэнта) пасля зніжэння ў лютым 2023 года на $373,3 млн (4,58 працэнта).
"Са жніўня 2022 года інфармацыя аб аб'ёме міжнародных рэзервовых актываў публікуецца на афіцыйным сайце Нацыянальнага банка без дэталізацыі іх структуры, а таксама пазначэння фактараў, якія паўплывалі на іх змяненне", - адзначылі ў Нацбанку.
