21 чэрвеня 2022
У Беларусі ў студзені-маі пабудавалі 16,2 тыс. кватэр
Арганізацыі ўсіх форм уласнасці ў студзені-маі 2022 года пабудавалі 16,2 тыс. кватэр, уведзена ў эксплуатацыю 1481 тыс. кв.м жылля, паведамілі БЕЛТА ў Нацыянальным статыстычным камітэце.
Для грамадзян, якія знаходзяцца на ўліку маючых патрэбу ў паляпшэнні жыллёвых умоў, уведзена ў эксплуатацыю 613,1 тыс. кв.м, або 41,4 працэнта ад агульнага аб'ёму ўведзенага жылля. З іх з выкарыстаннем дзяржаўнай падтрымкі - 459,7 тыс. кв.м.
У сельскіх населеных пунктах уведзена ў эксплуатацыю 461,7 тыс. кв.м жылля, або 31,2 працэнта ад агульнага ўводу па Беларусі.
