23 снежня 2022
Мінпрацы растлумачыла, як беларусы будуць працаваць і адпачываць у студзені
Як беларусы будуць працаваць і адпачываць у студзені, растлумачыла Міністэрства працы і сацыяльнай абароны, паведамляе БЕЛТА.
Так, 1 і 2 студзеня ў Беларусі афіцыйныя выхадныя.
На студзень 2023 года разліковая норма рабочага часу пры 40-гадзінным рабочым тыдні для пяцідзённага рабочага тыдня з выхаднымі днямі ў суботу і нядзелю складзе 167 гадзін і 161 гадзіну - для шасцідзённага рабочага тыдня з выхадным днём у нядзелю.
Разліковая норма рабочага часу ўстаноўлена пастановай Мінпрацы і сацабароны нумар 67 ад 2 лістапада 2022 года "Аб устанаўленні разліковай нормы рабочага часу на 2023 год".
