Экспазіцыя Беларусі будзе прадстаўлена на Гаванскай выстаўцы-кірмашы
Экспазіцыя Беларусі будзе прадстаўлена на выстаўцы на Кубе, паведамілі карэспандэнту БЕЛТА ў "Белінтэрэкспа" БелГПП.
Міжнародная Гаванская выстаўка-кірмаш FIHAV адбудзецца 14-18 лістапада ў сталіцы Кубы. Гэта адно з трох самых значных у Лацінскай Амерыцы шматгаліновых выставачных мерапрыемстваў, на якім будуць прадстаўлены экспартна арыентаваныя прадпрыемствы Беларусі ў розных сферах.
Выстаўка ўключае шырокі шэраг тэматычных раздзелаў: сельская гаспадарка, машынабудаванне, энергетыка, нафтахімія, металургія, электроніка, прадукты харчавання і напіткі, фармацэўтыка, біятэхналогіі, тавары народнага спажывання і іншае. У 2019 годзе ў выстаўцы прынялі ўдзел 4 тыс. кампаній з 60 краін, мерапрыемства наведалі 150 тыс. чалавек.
У рамках выстаўкі пройдзе інвестыцыйны форум - запланаваны b2b-перагаворы з кубінскімі і замежнымі бізнесменамі, семінары аб спецыфіцы работы на рынку Лацінскай Амерыкі, нацыянальныя дні ўдзельнікаў выстаўкі.
Беларусь двойчы прымала ўдзел у Гаванскай выстаўцы-кірмашы. Нацыянальная экспазіцыя была арганізавана ў 2017 годзе. На ёй былі прадстаўлены прамысловыя і фармацэўтычныя прадпрыемствы, навукова-тэхнічныя арганізацыі, адукацыйныя ўстановы. У 2019 годзе экспазіцыя Беларусі пераважна ўключала прадпрыемствы прамысловай сферы - вядучых вытворцаў тэхнікі і камплектуючых. Па выніках работы экспазіцый быў падпісаны шэраг дакументаў паміж беларускімі і кубінскімі кампаніямі.
