15 верасня 2022
Беларусь і Саудаўская Аравія маюць намер пашыраць гандлёва-эканамічнае і інвестыцыйнае супрацоўніцтва
Пытанні развіцця двухбаковых адносін абмеркаваны на сустрэчы першага намесніка міністра замежных спраў Беларусі Сяргея Алейніка з Надзвычайным і Паўнамоцным Паслом Саудаўскай Аравіі ў Расіі і Беларусі па сумяшчальніцтве Абдулрахманам Сулейманам аль-Ахмадам. Аб гэтым БЕЛТА паведамілі ў прэс-службе беларускага знешнепалітычнага ведамства.
Дыпламаты абмеркавалі актуальныя пытанні парадку дня беларуска-саудаўскіх адносін, уключаючы развіццё дыялогу паміж міністэрствамі замежных спраў.
"Асаблівая ўвага ўдзелена перспектывам пашырэння гандлёва-эканамічнага супрацоўніцтва і інвестыцыйнага ўзаемадзеяння, а таксама ўзаемнай падтрымцы ў міжнародных арганізацыях", - расказалі ў прэс-службе МЗС.
