Беларусь і Аргенціна зацікаўлены ў супрацоўніцтве па стварэнні сумесных вытворчасцей
Беларусь і Аргенціна зацікаўлены ў супрацоўніцтве па стварэнні сумесных вытворчасцей, паведамілі БЕЛТА ў прэс-службе Нацыянальнага цэнтра маркетынгу.
На сустрэчы дырэктара Нацыянальнага цэнтра маркетынгу Мікалая Барысевіча з паслом Аргенціны ў Расіі і па сумяшчальніцтве ў Беларусі Эдуарда Антоніа Зуайнам бакі абмеркавалі перспектыўныя напрамкі гандлёва-эканамічнага супрацоўніцтва Беларусі і Аргенціны, а таксама магчымасці НЦМ па аказанні садзейнічання ў яго развіцці. Адзначана, што асаблівы патэнцыял мае супрацоўніцтва па лініі стварэння сумесных вытворчасцей, абмен інавацыйнымі тэхналогіямі і вопытам у сферы прамысловасці і сельскай гаспадаркі.
Па выніках сустрэчы Нацыянальным цэнтрам маркетынгу ўнесены прапановы па далейшым узаемадзеянні з дыпмісіяй, уключаючы арганізацыю візітаў пасла і аргенцінскіх дзелавых дэлегацый у беларускія рэгіёны з мэтай устанаўлення прамога дыялогу з мясцовымі прадпрыемствамі і профільнымі арганізацыямі.
