19 снежня 2022
Аб'ём прамысловай вытворчасці ў Беларусі ў студзені-лістападзе склаў Br154,4 млрд
Вытворчасць у горназдабыўной прамысловасці Беларусі ўзрасла на 2,3 працэнта у параўнанні з аналагічным перыядам мінулага года, паведамілі БЕЛТА ў Нацыянальным статыстычным камітэце.
Аб'ём прамысловай вытворчасці ў Беларусі ў студзені-лістападзе ў бягучых цэнах склаў Br154,4 млрд, або ў супастаўных цэнах 94,4 працэнта да аналагічнага перыяду 2021 года. У апрацоўчай прамысловасці вытворчасць знізілася на 6,5 працэнта.
Па відзе эканамічнай дзейнасці "Забеспячэнне электраэнергіяй, газам, парай, гарачай вадой і кандыцыянаваным паветрам" вытворчасць знізілася на 1,8 працэнта, а ў водазабеспячэнні, зборы, апрацоўцы і ліквідацыі адходаў, дзейнасці па ліквідацыі забруджванняў знізілася на 2,4 працэнта.
