Супрацоўнікі ДАІ нагадалі юным жыхарам Віцебска пра бяспеку на дарогах

Аб тым, як перасякаць зебру пешаходам і аматарам пракаціцца на самакатах, пра небяспеку гульняў каля дарогі нагадалі юным удзельнікам дарожнага руху супрацоўнікі Дзяржаўтаінспекцыі ў прафілактычным рэйдзе ў Віцебску. Жнівень для вартавых дарог з'яўляецца асабліва напружаным, таму што з летняга адпачынку з вёсак і загарадных лагераў вяртаюцца школьнікі.