18 мая 2024
У Дзень работнікаў фізічнай культуры і спорту ўшаноўвалі лепшых работнікаў сферы
28 лепшых работнікаў сферы фізічнай культуры і спорту атрымалі сёння граматы раённага выканаўчага камітэта, раённага Савета дэпутатаў, аддзела спорту і прафсаюза.
- Ваша праца - вельмі патрэбная. Вы дапамагаеце жыхарам нашага раёна далучацца да здаровага ладу жыцця і спорту, - казаў старшыня раённага Савета дэпутатаў Юрый Кісялёў. - Вашы выхаванцы - валейбалісты, барцы вольнага стылю, футбалісты, плыўцы і іншыя - дамагаюцца выдатных вынікаў і ўслаўляюць спартыўную Пастаўшчыну. Прадстаўнікі турыстычнага напрамку расказваюць аб перавагах наведвання нашага раёна і такім чынам прыцягваюць сюды гасцей з розных куткоў Беларусі і замежжа.
