Сяргей Чэпік: "VII Усебеларускі народны сход - гэта пераломны момант у найноўшай гісторыі Беларусі"
— VII Усебеларускі народны сход – гэта пераломны момант у найноўшай гісторыі Беларусі. У першы дзень яго работы Кіраўнік дзяржавы падвёў вынікі дзейнасці за 30 гадоў сучаснай і незалежнай Беларусі, прааналізаваў зробленае. А зроблена вельмі і вельмі шмат: для развіцця прамысловасці, сельскай гаспадаркі, сацыяльнай сферы, будучыні нашай моладзі. Усё гэта ёсць, яно навідавоку. І людзі гэта па заслугах ацэньваюць. Шмат хто памятае 90-я гады, калі пасля распаду Савецкага Саюза Беларусь знаходзілася ў эканамічным і палітычным крызісе. Тады стаяла задача адвесці краіну ад прорвы. Прамысловасць і аграпрамысловы комплекс паднімалі з кален, не было і гаворкі аб сацыяльнай падтрымцы. На І Усебеларускім народным сходзе, які адбыўся ў кастрычніку 1996 года, прынялі першую ў суверэннай Беларусі праграму сацыяльна-эканамічнага развіцця.
