У Паставах прайшоў раённы этап конкурсу «Школа бяспекі 2024», у якім былі вызначаны лепшыя з лепшых знаўцы бяспекі

Вызначыць, хто лепш за ўсіх ведае правілы пажарнай бяспекі, задача не з лёгкіх, аднак вырашальная. Кожны год навучэнцы Пастаў уступаюць у інтэлектуальную бітву, задачай якой з'яўляецца высветліць, хто самы падрыхтаваны ў веданні бяспекі жыццядзейнасці. Сам конкурс складаўся з трох выпрабаванняў: «Тэсціраванне», «Я раскажу Вам…», «Свая гульня». У пачатку выпрабаванняў было абвешчана журы, якое ўзначальваў першы намеснік начальніка Пастаўскага раённага аддзела па надзвычайных сітуацыях Гузякоў Дзмітрый Аляксандравіч.

Першы і самы хвалюючы этап – «Тэсціраванне». Многія ўпершыню сутыкаюцца з такім відам праверкі ведаў, аднак упэўненасці ў сваіх ведах удзельнікам не займаць. Хоць пытанні былі не самымі лёгкімі, варта было памятаць, што да ўсяго пералічанага час абмежаваны і складаў 30 хвілін. А пры роўных набраных балах першынство атрымлівае той, чыя праца вырашана раней.

 Другі этап таксама трымаў у напружанні ўдзельнікаў і называўся ён – «Я раскажу Вам…». Кошт такога конкурсу – павелічэнне верагоднасці выхаду ў фінал. Навучэнцам былі абвешчаны тэмы і адведзена роўна адна хвіліна, у ходзе якой было неабходна раскрыць тэму і прадэманстраваць сваё аратарскае майстэрства праз дакладны, лаканічны расказ. Калі ў тэсціраванні ўсё проста: ёсць пытанне, на якое існуе дакладны адказ, то ў другім конкурсе было цяжка вызначыць самых крэатыўных і годных да выхаду ў апошняе спаборніцтва. Кожны ўдзельнік раскрыў у сабе новыя, невядомыя раней рысы вядучага, што ў сукупнасці з шчырым пачуццём падзякі ратавальнікам і іншымі мастацкімі навыкамі дапамагло ўзяць верх над канкурэнтамі. 

Вынікам двух конкурсаў з'яўляюцца 3 фіналісты ў кожнай узроставай групе. У фінальным выпрабаванні знаўцам было неабходна выбіраць тэму і складанасць пытання, у ходзе якога і вызначыліся знаўцы бяспекі.

Прадставіць Пастаўскі раён на абласным этапе конкурсу «Школа бяспекі» трэба будзе: Слабадзянюк Валерыі, Казловічу Ягору, Манушынай Ксеніі. Дзмітрый Аляксандравіч пажадаў фіналістам поспехаў, уручыў заслужаныя дыпломы і прызы.