Гандаль і платныя паслугі

Рэжым работы:
- панядзелак-пятніца з 8-00 да 17-00
- абедзенны перапынак з 13-00 да 14-00.

Адрас:
- г. Паставы, плошча Леніна, 25.

Кансультацыю па пытаннях ажыццяўлення гандлю, грамадскага харчавання і бытавога абслугоўвання насельніцтва:

г. Паставы, плошча Леніна, 25, кабінет 60 (Астапчук Таццяна Мікалаеўна (гандаль і грамадскае харчаванне), Туркова Наталля Зіноўеўна (бытавыя паслугі), тэл.8(02155)31396).

Паводле даных Гандлёвага рэестра Рэспублікі Беларусь на тэрыторыі Пастаўскага раёна па стане на 1 студзеня 2026 г. ажыццяўляюць дзейнасць 419 суб'ектаў гандлю, з іх 172 юрыдычныя асобы і 247 індывідуальных прадпрымальнікаў.

Гандлёвае абслугоўванне насельніцтва раёна прадстаўлена 700 гандлёвымі аб'ектамі розных фарматаў, з іх гандлёвыя аб'екты – 390, аб'екты грамадскага харчавання – 84 (у тым ліку аб'екты з агульнадаступнымі месцамі – 22), перасоўныя сродкі развазнога гандлю – 16, рознічны гандаль без выкарыстання гандлёвых аб'ектаў – 189, рынкі – 2, іншыя – 19.

Найбольшую ўдзельную вагу ў аб'ёме рознічнага тавараабароту афіцыйна ўлічанай гандлёвай сеткі займаюць:

• ЗАТ «Дабраном» – 16,6%;
• ТАА «Еўрагандаль» – 8,3%;
• ТАА «Чыстыя крыніцы» (магазін «Суседзі») – 6,6%;
• ТАА «ВіцебскПрадуктСэрвіс» (магазін «Святлафор») – 3,7%;
• ТАА «Санта Рытэйл» і ААТ «Навасёлкі-Лучай» – па 2,8 %;
• Віцебскае абласное спажывецкае таварыства – 2,4%.

Абслугоўванне сельскага насельніцтва Пастаўскага раёна прадстаўлена 141 гандлёвым аб'ектам розных фарматаў.

У сферы бытавых паслуг у Пастаўскім раёне задзейнічана 92 суб'екты гаспадарання, з іх 64 індывідуальныя прадпрымальнікі (69,6%) і 28 юрыдычных асоб (30,4%). Паводле даных дзяржаўнага інфармацыйнага рэсурсу «Рэестр бытавых паслуг Рэспублікі Беларусь», зацверджанага пастановай Савета Міністраў Рэспублікі Беларусь ад 28 лістапада 2014 г. № 1108 (рэд. ад 14.01.2022), на 1 студзеня 2026 г. у Пастаўскім рэгіёне функцыянуюць 75 аб'ектаў, у тым ліку 15 – у сельскай мясцовасці.