21 лістапада – Дзень работнікаў сельскай гаспадаркі і перапрацоўчай прамысловасці
![](https://postavy.vitebsk-region.gov.by/images/storage/news/000258_305723.jpg)
Паважаныя працаўнікі вёскі і работнікі перапрацоўчай прамысловасці аграпрамысловага комплексу!
Віншуем вас з прафесійным святам! Сельскагаспадарчая галіна — адна з самых складаных. Яна патрабуе вялікай працавітасці і настойлівасці, цярпення і вынослівасці. Многае ў ёй залежыць ад умоў надвор’я. Вось і сёлета яно ў чарговы раз выпрабоўвала аграрыяў, але яны паспяхова справіліся са сваімі задачамі. У раёне атрыманы добры ўраджай, ёсць пэўныя дасягненні ў жывёлагадоўлі, стабільная перапрацоўка.
Шчыры дзякуй усім, хто застаецца верным сваёй малой радзіме, уносіць асабісты ўклад у развіццё сельскай гаспадаркі і перапрацоўчых прадпрыемстваў раёна! Нізкі паклон ветэранам працы, якія з’яўляюцца прыкладам адданасці роднай зямлі!
Жадаем вам моцнага здароўя, бадзёрасці, радасці і дабрабыту ў сем’ях, здзяйснення ўсяго задуманага.
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў