З Днём Кастрычніцкай рэвалюцыі!

Паважаныя пастаўчане! Віншуем вас з Днём Кастрычніцкай рэвалюцыі! Змяняецца жыццё і ацэнкі гістарычных падзей. Але дата 7 лістапада 1917 года, калі адбылася Кастрычніцкая рэвалюцыя, была і застаецца сімвалам абнаўлення, вызвалення ад прыгнёту і надзей на лепшую будучыню. Рэвалюцыя стала найважнейшай падзеяй ХХ стагоддзя, аказала значны ўплыў на ход сусветнай гісторыі, заклала асновы для нацыянальнага адраджэння многіх народаў.

Упэўнена ідзе сваім шляхам развіцця наша краіна. Стваральная праца, павага да гісторыі, слаўных традыцый і дасягненняў многіх пакаленняў — галоўныя фактары кансалідацыі беларускага грамадства. Годны ўклад у развіццё рэспублікі ўносяць і пастаўчане. Жадаем усім жыхарам раёна здароўя, дабрабыту, поспехаў у працы!

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў