Паважаныя ратаўнікі – работнікі органаў і падраздзяленняў па надзвычайных сітуацыях!
Шчыра віншуем з прафесійным святам — Днём ратаўніка! Вы выбралі для сябе нялёгкую, але надзвычай высакародную справу — першымі прыходзіць на дапамогу людзям, якія трапілі ў бяду. Пераадольваючы небяспеку і рызыкуючы сабой, вы ратуеце самае каштоўнае — чалавечыя жыцці. Мужнасць, стойкасць, спагадлівасць, імкненне імгненна адгукнуцца на чужую бяду і гатоўнасць да самаахвяравання — гэтыя якасці характарызуюць ратаўнікоў Пастаўшчыны. Упэўненыя, што вы і надалей будзеце аператыўна рэагаваць на любыя сігналы аб дапамозе, застаючыся для жыхароў раёна надзейнай апорай у складаных сітуацыях.
Жадаем моцнага здароўя, шчасця, дабрабыту, далейшых поспехаў у служэнні на карысць Айчыны і грамадства! Няхай жыццё як мага радзей выпрабоўвае вас на трываласць!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў