Паважаныя пастаўчане! Сардэчна віншуем вас з Днём народнага адзінства!
![](https://postavy.vitebsk-region.gov.by/images/storage/news/000258_579383.jpg)
Дата 17 верасня вяртае нас да лёсаносных падзей 1939 года, якія паклалі пачатак аб’яднанню Усходняй і Заходняй Беларусі і фарміраванню адзінай беларускай нацыі. Гэта свята падкрэслівае пераемнасць пакаленняў, спалучае ў сабе трыумф гістарычнай справядлівасці і цвёрдую ўпэўненасць у светлай будучыні Радзімы. Мы жывём у мірнай, спакойнай краіне, дзе ў кожнага ёсць магчымасці для самарэалізацыі, кожны абаронены законам. Згуртаванасць, самаадданасць, працавітасць народа з’яўляюцца галоўнай апорай нашай роднай Беларусі ў пераадоленні любых пагроз і выклікаў, залогам яе паспяховага развіцця. Захаваць ранейшыя дасягненні і прымножыць сённяшнія поспехі краіны мы зможам толькі тады, калі будзем адзіныя. Жадаем вам здароўя, дабрабыту, мірнага неба над галавой, згоды і ўзаемаразумення ў сем’ях.
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў