У 59 раёнах Беларусі дзейнічае абмежаванне на наведванне лясоў, у адным - забарона. Гэта вынікае з інтэрактыўнай карты Мінлясгаса, паведамляе БЕЛТА.
Паводле даных на 8.45, забарона на наведванне лясоў захоўваецца ў Петрыкаўскім раёне Гомельскай вобласці.
Абмежаванне на наведванне лясных масіваў дзейнічае ў Ганцавіцкім, Драгічынскім, Камянецкім, Лунінецкім і Столінскім раёнах Брэсцкай вобласці. У Гомельскай вобласці абмежаванні ўведзены ў Жлобінскім, Мазырскім, Акцябрскім, Рагачоўскім раёнах.
Свабоднымі для наведвання застаюцца лясы Зэльвенскага і Слонімскага раёнаў Гродзенскай вобласці, Бярэзінскага, Валожынскага, Крупскага, Любанскага і Чэрвеньскага раёнаў Мінскага рэгіёна, Круглянскага, Мсціслаўскага і Шклоўскага раёнаў Магілёўскай вобласці, а таксама ўсіх раёнаў Віцебскай вобласці. У астатніх жа дзейнічае абмежаванне на наведванне.
Аператыўна адсочваць даныя аб увядзенні мер абмежавальнага характару можна па размешчанай на афіцыйным сайце Мінлясгаса карце забарон і абмежаванняў на наведванне лясоў. Таксама інфармацыю можна ўдакладніць у мясцовых райвыканкамах і лесагаспадарчых установах. Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з актуальнай сітуацыяй.
Да спіса