Гэтыя добрыя, па-сапраўднаму сямейныя святы традыцыйна ўваходзяць у наша жыццё разам са светлымі надзеямі і планамі на будучыню, аб'ядноўваюць вакол галоўных каштоўнасцяў — любовi да блізкіх, роднай хаты, сваёй краіны.
Перагортваючы яшчэ адну старонку календара, мы ўзгадваем адыходзячы год як час вялікай і адказнай працы на карысць роднай Айчыны.
Наступаючы 2025 год ставіць перад намі новыя задачы. Час выбраў нас канкрэтнымі справамі ўмацоўваць веру ў дабро, справядлівасць і будучыя дасягненні.
Шчыра жадаю ўсім моцнага здароўя і цудоўнага навагодняга настрою. Няхай у вашым доме пануюць мір і любоў, клопат і паразуменне, радасць і дабрабыт!
Ігар Сергяенка, старшыня Палаты прадстаўнікоў Нацыянальнага Сходу Рэспублікі Беларусь
***
Паважаныя пастаўчане і жыхары раёна! Дарагія сябры!
Прыміце самыя шчырыя віншаванні з Новым годам!
З хваляваннем і радасцю мы чакаем гэтага чароўнага моманту, калі стары год саступіць месца новаму. Новы год — асаблівае свята, калі мы загадваем жаданні, абменьваемся падарункамі і атрымліваем асалоду ад цяпла, сямейнай утульнасці ў кампаніі родных і сяброў. Атмасфера дабра, клопату і шчырасці напаўняе нашы сэрцы, натхняе на высакародныя ўчынкі, усяляе веру ў светлую будучыню.
Напярэдадні гэтага цудоўнага свята шчыра жадаем вам, каб кожны дзень наступнага года прыносіў радасць, шчасце і дабрыню. Няхай здзяйсняюцца ўсе вашы мары, а добрыя, чыстыя намеры становяцца рэальнасцю. Няхай у кожным доме пануюць любоў і гармонія, а на зямлі — мір і згода!
Сяргей Чэпік, старшыня раённага выканаўчага камітэта
Юрый Кісялёў,старшыня раённага Савета дэпутатаў
Да спіса