Супрацоўнікі аддзялення ДАІ Пастаўскага РАУС узмоцняць кантроль за п'янымі за рулём

З 23 па 29 верасня аддзяленне ДАІ Пастаўскага РАУС праводзіць комплекс прафілактычных мерапрыемстваў, накіраваных на папярэджанне і спыненне фактаў кіравання транспартнымі сродкамі асобамі, якія знаходзяцца ў стане ап'янення.

У гэты перыяд будзе ўзмоцнены кантроль за фізічным станам вадзіцеляў, якія кіруюць транспартнымі сродкамі, будуць праведзены спецыяльныя рэйдавыя мерапрыемствы па выяўленні нецвярозых вадзіцеляў.
У адпаведнасці са зменамі Кодэкса Рэспублікі Беларусь аб адміністрацыйных правапарушэннях і Крымінальнага кодэкса Рэспублікі Беларусь ад 24 кастрычніка 2013 года ўзмоцнена адказнасць за кіраванне транспартам у стане алкагольнага ап'янення: памер штрафу складае ад 50 да 100 БВ з пазбаўленнем права кіравання транспартным сродкам на 3 гады, таксама за ўжыванне алкаголю да неабходнай праверкі, у тым ліку і пасля здзяйснення ДТЗ, вадзіцелю прыйдзецца аплаціць штраф у памеры ад 50 да 100 БВ з пазбаўленнем права кіравання транспартным сродкам на тры гады.
Тыя ж дзеянні, здзейсненыя паўторна на працягу года могуць пацягнуць ужо крымінальную адказнасць па арт. 317-1 КК РБ, акрамя таго прадугледжана канфіскацыя транспартнага сродку (незалежна ад права ўласнасці), пазбаўленне вадзіцельскіх правоў на 5 гадоў з папраўчымі работамі альбо арышт або абмежаванне волі на тэрмін да 2 гадоў. Абавязковы штраф за дадзенае правапарушэнне складзе да 1000 базавых велічынь.
Паважаныя пастаўчане!
Не дапусціце яшчэ адной бяды!
Калі вы бачыце ці ведаеце, што транспартным сродкам кіруе вадзіцель у стане алкагольнага ап'янення, тэрмінова паведаміце ў аператыўна-дзяжурную частку Пастаўскага РАУС па тэлефоне 4-10-02 або 102. Магчыма, ваша інфармацыя ўберажэ жыццё аднаму чалавеку і не дазволіць зламаць лёс другому.
Аляксандр Арэхаў, начальнік АДАІ Пастаўскага РАУС