Сёння Пастаўскі раён – адзін з найбуйнейшых сельскагаспадарчых раёнаў Віцебскай вобласці з развітой прамысловасцю, арыентаванай на прамысловую перапрацоўку сыравіны, што вырабляецца ў раёне, і забеспячэнне насельніцтва прадуктамі харчавання.
За апошнія гады ў раёне праведзена значная работа па рэфармаванні сельскагаспадарчых прадпрыемстваў, аптымізацыі іх колькасці і ў цяперашні час працуе 9 сельскагаспадарчых прадпрыемстваў, якія забяспечваюць насельніцтва раёна прадуктамі харчавання, а перапрацоўчыя прадпрыемствы – сыравінай.
За сельгасвытворцамі замацавана 74,7 тыс. га сельгасугоддзяў, у тым ліку 46,6 тыс. га ворыва. Распаханасць сельгасугоддзяў складае 62,4 %, іх урадлівасць ацэньваецца ў 28,1 балаў, ворыва – 25,6 балаў.
Спецыялізацыя сельскагаспадарчай вытворчасці малочна-мясная жывёлагадоўля з развітой вытворчасцю збожжа і вырошчваннем лёну.
У структуры пасяўных плошчаў збожжавыя і зернебабовыя культуры займаюць 39,7 %, рапс – 9,8 %; лён – 2,9 %; бульба – 0,1 %; кармавыя культуры – 47,5 %.
Сярэднеспісачная колькасць работнікаў, занятых у сельскагаспадарчай вытворчасці – 1,5 тысяч чалавек.