Самы лепшы дамавік – апавяшчальнік дымавы!

На Пастаўшчыне праходзіць рэспубліканская акцыя «Апавяшчальнік у кожны дом», у ходзе якой работнікі МНС правяраюць жыллё грамадзян на адпаведнасць правілам пажарнай бяспекі. А таксама рэкамендуюць прыўнесці ў інтэр'ер жылых пакояў яшчэ адзін элемент бяспекі – аўтаномны пажарны апавяшчальнік (АПА). Ужо з пачатку года гэта маленькая прылада выратавала 27 чалавек, у тым ліку 5 дзяцей.

Таксама працуюць пасты бяспекі, на якіх людзі могуць даведацца пра пажарныя апавяшчальнікі і іх неабходнасць устаноўкі ў жылых памяшканнях. Зыходзячы з логікі абывацеляў, многія ставяць АПА на кухні, бо лічыцца, што ачаг дома часта можа стаць ачагом пажару, пры гэтым нават не задумваюцца пра тое, што апавяшчальнік, усталяваны на кухні, схільны больш частаму забруджванню ад прадуктаў гатавання, тым самым правакуючы ілжывыя спрацоўванні прылады. У выніку чаго АПА здымаюць і дастаюць элемент сілкавання. Такая чарада падзей зводзіць на нішто прысутнасць АПА ў доме. А рызыка задыхнуцца ад дыму ўначы ўзрастае ў разы.

Здзіўленыя нестандартнаму месцу знаходжання работнікаў МНС людзі паспяшаліся з спадарожнымі пытаннямі. «Як правільна тапіць печ: каб і цёпла было, і каб без перакалу?», «Якая цана бяспекі?», «Як часта трэба чысціць комін?» – такія пытанні часта адрасаваліся знаўцам, на што і атрымлівалі даступныя тлумачэнні. Ніхто не сышоў з паста бяспекі, не атрымаўшы карысных ведаў, а праведзеныя конкурсы зарадзілі эмоцыямі на ўвесь астатні дзень!