З 19 па 28 ліпеня ДАІ праводзіць рэспубліканскую прафілактычную акцыю «Будзь у бяспецы!»

У мэтах ліквідацыі прычын і ўмоў дарожна-транспартнага траўматызму і фарміравання ўзаемаветлівых адносін паміж удзельнікамі дарожнага руху Дзяржаўтаінспекцыя ў перыяд з 19 па 28 ліпеня 2022 г. праводзіць рэспубліканскую прафілактычную акцыю «Будзь у бяспецы!».

Прафілактычныя мерапрыемствы прысвечаны папярэджанню ДТЗ з удзелам веласіпедыстаў і пешаходаў, у тым ліку тых, хто перамяшчаецца на сродках персанальнай мабільнасці.

У гэты перыяд будзе арганізавана шырокае асвятленне пытанняў бяспечных паводзін, асабліва на пешаходных пераходах, растлумачэнне новаўвядзенняў у Правілы дарожнага руху (якія ўступаюць у сілу з 27 кастрычніка бягучага года) у частцы бяспечнага перамяшчэння на веласіпедах і сродках персанальнай мабільнасці.

З гэтай мэтай інспектары ДАІ наведаюць працоўныя калектывы і дзіцячыя аздараўленчыя лагеры, правядуць маштабныя прафілактычныя мерапрыемствы ў месцах прыцягнення веласіпедыстаў і пешаходаў на сродках персанальнай мабільнасці.

Паўсюдна нарады ДАІ будуць набліжаны да нерэгуляваных пешаходных пераходаў. Таксама інспектары ДПС адпрацуюць участкі аўтамабільных дарог і вуліцы населеных пунктаў, найбольш схільныя рызыцы здзяйснення наездаў на пешаходаў і веласіпедыстаў.

Увага супрацоўнікаў ДАІ будзе нададзена спыненню парушэнняў Правіл як з боку ўразлівых удзельнікаў дарожнага руху, так і вадзіцеляў, асабліва на пешаходных пераходах.

За кіраванне транспартнымі сродкамі ў стане ап'янення затрымана 152 вадзіцелі. Спынена 513 фактаў кіравання транспартнымі сродкамі асобамі, якія не маюць права кіравання. За парушэнні правіл абгону аштрафавана 74 вадзіцелі. Выяўлена 1125 вадзіцеляў і пасажыраў, якія праігнаравалі абавязковае патрабаванне аб прышпільванні рамянямі бяспекі, таксама зафіксавана 436 фактаў парушэнняў перавозкі непаўналетніх. За парушэнне ПДР да адказнасці прыцягнута 1008 пешаходаў, з іх 123 за адсутнасць святлоадбівальных элементаў у цёмны час сутак, 220 пешаходаў знаходзіліся ў стане ап'янення. Спынена 316 парушэнняў ПДР, здзейсненых матацыклістамі.

16.07.2022 каля 12:50 у Аршанскім раёне 39-гадовы вадзіцель, не маючы права кіравання, кіруючы аўтамабілем «Фольксваген Пасат», на 151 км аўтадарогі М-8 «Віцебск-Гомель-гр. Украіны» паблізу п. Высокае не справіўся з кіраваннем, з'ехаў у правы па ходзе руху кювет і перакуліўся. У выніку ДТЗ 46-гадовы пасажыр атрымаў цялесныя пашкоджанні, ад якіх 17.07.2022 у бальніцы памёр. Вадзіцель з месца здарэння схаваўся, але ў ходзе аператыўна-вышуковых мерапрыемстваў быў затрыманы 16.07.2022 каля 18:10 супрацоўнікамі АДАІ Аршанскага РУУС у в. Селішча. Вадзіцель ад медыцынскага агляду адмовіўся.

Аляксандр Арэхаў, начальнік АДАІ АУС райвыканкама