Адрес: 211875, г.Поставы, пл.Ленина, д.25
Телефон приемной: 8 (02155) 4-10-45, 8 (02155) 2-66-07 c 8.00 до 17.00
Электронная почта райисполкома: kanz@rikpostavy.by
Режим работы: пн-пт с 8.00 до 17.00, обеденный перерыв с 13.00 до 14.00, выходные дни: сб, вс
Вышестоящий государственный орган
Ночная набережная Поставы ночью Храм Постав Набережная Дворец Тызенгауза
Ночная набережная
Ночная набережная
Поставы ночью
Храм Постав
Набережная
Дворец Тызенгауза
Главная / Новости / Новости района
10 января 2022

У новы год – з новым званнем

Таццяне Петух і Вользе Гукавай першым у раёне прысвоена званне «Народны майстар Рэспублікі Беларусь»

Гэта прыемная навіна прыйшла ў Пастаўскі Дом рамёстваў «Стары млын» 31 снежня. Яна стала нечаканасцю і для Таццяны Мікалаеўны, якая ўзначальвае ўстанову з 1998 года, і для Вольгі Мікалаеўны, якая працуе там з 2000-га.

Прадстаўляць майстроў чытачам «Пастаўскага краю» не трэба: пра іх як пераможцаў і ўдзельнікаў самых разнастайных конкурсаў і выстаў журналісты пісалі нярэдка. І, упэўненая, напішуць яшчэ не раз: таленавітыя жанчыны няспынна ўдасканальваюць сваё майстэрства, ствараючы новыя і новыя работы ў розных напрамках народнага мастацтва.

Гэтыя работы не толькі прыгожыя, але і каштоўныя, бо спрыяюць захаванню і папулярызацыі нематэрыяльнай культурнай спадчыны Віцебшчыны. У яе спіс  ўнесены такія элементы, як выцінанка, саломапляценне, інсітнае (наіўнае) мастацтва і маляваныя дываны. Два першыя пераважаюць у творчасці Таццяны Петух, астатнім двум прысвячае сваю дзейнасць Вольга Гукава.

Планаў на 2022 год у нова­спечаных народных майстроў Беларусі шмат: наперадзе шэраг абласных і рэспубліканскіх мерапрыемстваў, ёсць задума арганізаваць персанальныя выставы ў Паставах. Што ж, як кажуць, пажывём — убачым.

Іна Сняжкова, газета «Пастаўскі край». Фота аўтара

Вольга Гукава і Таццяна Петух са сваімі работамі

Интернет-ресурсы