Прафілактычныя мерапрыемствы па папярэджанні і спыненні парушэнняў ПДР веласіпедыстамі і вадзіцелямі мотатранспарту

З 16 па 23 красавіка супрацоўнікі ДАІ Віцебскай вобласці правядуць прафілактычныя мерапрыемствы па папярэджанні і спыненні парушэнняў ПДР веласіпедыстамі і вадзіцелямі мотатранспарту.

З пачатку 2020 года на тэрыторыі нашай вобласці зарэгістравана 1 ДТЗ, здзейсненае па віне вадзіцеля двухколавага транспартнага сродку. Адбылося яно 6 сакавіка ў вёсцы Гурац Чашніцкага раёна. 31-гадовы вадзіцель, знаходзячыся за рулём матацыкла «ММВЗ», на закругленні дарогі не справіўся з кіраваннем, з-за чаго здзейсніў наезд на апору лініі электраперадач. Варта адзначыць, што малады чалавек у момант аварыі знаходзіўся ў нецвярозым стане і не меў права кіравання транспартнымі сродкамі ў прынцыпе. Матацыкліст атрымаў цялесныя пашкоджанні і быў шпіталізаваны.

Згодна з ПДР, веласіпед – гэта транспартны сродак, які прыводзіцца ў рух мускульнай сілай чалавека. А асоба, якая ім кіруе - вадзіцель. Як і ўсім астатнім удзельнікам дарожнага руху, веласіпедысты абавязаны выконваць устаноўленыя для іх Правілы дарожнага руху. А менавіта:

-да 14 гадоў можна ездзіць толькі па тратуарах, абочынах, веласіпедных або пешаходных дарожках, не ствараючы перашкоды для бяспечнага руху пешаходаў;

-з 14 гадоў дапускаецца рух веласіпедыстаў па праезнай частцы дарогі ў адзін рад не далей за 1 метр ад яе правага краю. Выключэннем з'яўляюцца аб'езд перашкоды і выпадкі павароту налева або развароту;

-пры руху па дарозе ў цёмны час сутак або ва ўмовах недастатковай бачнасці, на веласіпедзе павінны быць уключаны: спераду фара (ліхтар), якая выпраменьвае белае святло, ззаду – ліхтар, які выпраменьвае чырвонае святло;

-пры перасячэнні праезнай часткі дарогі па пешаходным пераходзе веласіпедыст павінен весці веласіпед побач з сабой;

-па-за скрыжаваннямі на нерэгуляваным перасячэнні веласіпеднай дарожкі з дарогай, веласіпедыст абавязаны саступіць дарогу транспартным сродкам, якія рухаюцца па гэтай дарозе;

Паважаныя веласіпедысты! Кіруючы веласіпедам, можна не толькі ўмацаваць сваё здароўе, але і захаваць яго. Для гэтага неабходна ведаць і выконваць Правілы дарожнага руху.