Запрашаем на самы масавы забег года!
13 чэрвеня ў Паставах адбудзецца грандыёзная падзея. У рамках міжнароднага фестывалю народнай музыкі «Звіняць цымбалы і гармонік» вуліцы райцэнтра напоўняцца не толькі гукамі гармоніка і цымбалаў, але і рытмам сотняў бегучых ног.
Забег упершыню праводзіцца ў такім маштабе, і мы хочам, каб ён стаў па-сапраўднаму масавым і запамінальным. Арганізатары запрашаюць стаць часткай маштабнага старту! Неважна, беглі вы марафон ці апошні раз толькі ў школе на ўроку фізкультуры, — ёсць дыстанцыя для кожнага.