Старшыня Палаты прадстаўнікоў Нацыянальнага сходу Рэспублікі Беларусь Ігар Сергяенка, старшыня аблвыканкама Аляксандр Субоцін і памочнік Прэзідэнта-інспектар па Віцебскай вобласці Уладзімір Юргевіч наведалі новы корпус Пастаўскай цэнтральнай раённай бальніцы

За кошт сродкаў абласнога і рэспубліканскага бюджэту ў рамках Дзяржаўнай інвестыцыйнай праграмы быў рэалізаваны праект «Узвядзенне будынка для ўстановы аховы здароўя з пераходам у стацыянар №1 УАЗ «Пастаўская ЦРБ», які дазволіў перавесці стацыянарныя аддзяленні, што размяшчаліся раней у будынку былога палаца Тызенгаўзаў. Кошт будаўніцтва дадзенага аб'екта склаў больш за 13 мільёнаў рублёў. Тут размешчаны хірургічнае і неўралагічнае аддзяленні, ЦСА, эндаскапічныя кабінеты, кабінеты ультрагукавой і функцыянальнай дыягностыкі і іншыя службы.