Прадпрымальніцтва

Дзяржаўная ўстанова «Нацыянальнае агенцтва інвестыцый і прыватызацыі» (далей – Агенцтва) інфармуе аб тым, што 14 сакавіка 2022 года пачаў працу аператыўны кантактны цэнтр Агенцтва – канал для інфармацыйнай і кансультацыйнай падтрымкі бізнесу, які працуе ў Беларусі, а таксама для зваротнай сувязі дзяржавы з дзелавой супольнасцю (B2G) ва ўмовах існуючай геапалітычнай абстаноўкі і звязаных з ёй эканамічных наступстваў. Больш падрабязная інфармацыя аб працы аператыўнага кантактнага цэнтра Агенцтва, а таксама форма зваротнай сувязі даступная па спасылцы на сайце: https://care.investinbelarus.by/.

Беларускім фондам фінансавай падтрымкі прадпрымальнікаў (далей – БФФПП) створана лічбавая платформа для ажыццяўлення прамога ўзаемадзеяння патэнцыяльных пастаўшчыкоў – суб'ектаў малога і сярэдняга прадпрымальніцтва з буйнымі вытворчымі прадпрыемствамі.

Азнаёміцца з названым інфармацыйным рэсурсам магчыма на сайце БФФПП (http://belarp.by/ru/subcontractation/subcontractors-exchange).

У цяперашні час вядзецца праца па ўдасканаленні гэтай лічбавай платформы, якая дасць магчымасць стварэння асабістых кабінетаў карыстальнікаў і размяшчэння актуальных вытворчых магчымасцей і патрэб суб'ектаў гаспадарання, якія ажыццяўляюць вытворчую дзейнасць.

У Рэспубліцы Беларусь створаны інфармацыйны інтэрактыўны вэб-рэсурс «Карта інфраструктуры падтрымкі прадпрымальніцтва» мсп.бел. Дадзены інфармацыйны рэсурс дапаможа знайсці інфармацыю аб дзеючых у Рэспубліцы Беларусь інкубатарах малога прадпрымальніцтва і цэнтрах падтрымкі прадпрымальніцтва, а таксама аб той падтрымцы, якую аказваюць гэтыя арганізацыі па пытаннях ажыццяўлення прадпрымальніцкай дзейнасці.