Пажар у вёсцы Ваўкі Пастаўскага раёна

04.02.2022 г. у 20-51 паступіла паведамленне аб загаранні дома ў в. Ваўкі Пастаўскага раёна. У выніку пажару ў доме знішчаны дах, пашкоджаны сцены, маёмасць. Прычына пажару высвятляецца. Разгляданая версія прычыны ўзнікнення пажару – парушэнне правілаў эксплуатацыі печаў, цеплагенерыруючых агрэгатаў і прылад.

МНС нагадвае:

- у печы не павінна быць расколін і шчылін, а комін павінен мець добрую цягу і быць пабелены вапнавым растворам. Робіцца гэта для таго, каб на белым фоне можна было заўважыць расколіны, якія з'яўляюцца з часам;

- у ацяпляльны сезон ачышчайце комін ад сажы не менш за адзін раз у 2 месяцы;

- печ і дымавая труба ў месцах злучэння з драўлянымі перакрыццямі павінны мець патаўшчэнне цаглянага мура або раздзелку;

- каб выпадкова выпаўшыя гарачыя вуглі не прывялі да пажару, прыбіце перад топкай на драўлянай падлозе металічны ліст памерамі не менш за 50х70 см. Яго можна выканаць з негаручага цэглы;

- ні ў якім разе не выкарыстоўвайце пры распальванні лёгкаўзгаральныя і гаручыя вадкасці;

- не пакідайце адкрытымі топачныя дзверцы і печ, якая топіцца, без нагляду – гэта прамы шлях да пажару;

- трымайце не менш чым у паўтара метрах ад печы адзенне, мэблю, дровы і іншыя гаручыя матэрыялы;

- шлак і попел неабходна выдаляць у спецыяльна адведзенае для іх бяспечнае месца і заліваць вадой;

- не пакідайце без нагляду печ, якая топіцца, і не дазваляйце дзецям самастойна іх распальваць.