Паставы. Выратавальнікі з Віцебскага абласнога ўпраўлення МНС правялі пажарна-прафілактычную работу ў Варапаеўскім сельсавеце

З мэтай мінімізацыі ўзнікнення пажару ў жылым фондзе, а, такім чынам, і гібелі людзей ад вогненнай стыхіі работнікамі Віцебскага абласнога ўпраўлення МНС арганізавана дапамога ў абследаванні катэгарызаваных грамадзян і прыцягненні ўвагі да бяспекі ў перыяд вясновых палаў.

Асноўны акцэнт пры наведванні жыллёвага фонду зроблены на неабходнасці ўстаноўкі аўтаномнага пажарнага апавяшчальніка і належным яго ўтрыманні.

Не забываюць работнікі нагадаць і пра недапушчэнне курэння ў жыллі, а тым больш у стане алкагольнага ап'янення, бо 90% загінулых на пажары курылі менавіта ў нецвярозым стане.

Таксама паралельна з праверкай жылля работнікі сектара прапаганды правялі прафілактычныя мерапрыемствы з маленькімі непаседамі дзіцячага Варапаеўскага дзіцячага сада, навучэнцамі Варапаеўскай сярэдняй школы, а таксама наведалі «Дабраном», дзе закранулі важныя пытанні бяспекі са звычайнымі пакупнікамі магазіна.

Асаблівая ўвага нададзена рэспубліканскай акцыі «Дзень бяспекі. Увага ўсім!», у рамках якой жыхары пасёлка гарадскога тыпу змаглі даведацца алгарытм дзеянняў у выпадку паступлення сігналу «Увага ўсім!»

Мэты прафілактычных мерапрыемстваў дасягнуты: варапаеўцы атрымалі кансультацыю па пытаннях бяспекі ў жыллі і на прыдамавой тэрыторыі ад спецыялістаў МНС, даведаліся якія наступствы чакаюць выпальвальнікаў сухой расліннасці і па якіх нумарах можна паведаміць аб надзвычайных здарэннях.