Паставы. Прафілактычныя гутаркі ў працоўных калектывах

У рамках акцыі «За бяспеку разам», а таксама з мэтай папярэджання пажараў па прычыне неасцярожнага абыходжання з агнём работнікі Пастаўскага раённага аддзела па НС правялі выступленні ў працоўных калектывах сельскагаспадарчых арганізацый раёна і рэйд па прафілактыцы выпальвання сухой расліннасці і развядзення вогнішчаў на тэрыторыях Казлоўшчынскага і Варапаеўскага сельсаветаў.

Ратавальнікі нагадвалі грамадзянам асноўныя правілы бяспекі пры развядзенні вогнішчаў, спальванні смецця і выкарыстанні прыстасаванняў для прыгатавання ежы.

Таксама падчас рэйду былі наведаны аб'екты КУСП «Ляхаўшчына-Агра» і ААТ «Навасёлкі-Лучай».

Падчас правядзення прафілактычных гутарак з насельніцтвам прадстаўнікі службы выратавання ўручалі наглядна-выяўленчую прадукцыю на супрацьпажарную тэматыку.