Паставы. Ці бяспечны Ваш дом?

У рамках другога этапу рэспубліканскай акцыі «Бяспека ў кожны дом» выратавальнікі не перастаюць заклікаць грамадзян быць больш уважлівымі да свайго жылля.

Аўтаномны пажарны апавяшчальнік – надзейны вартаўнік бяспекі, аднак нават ён не зможа дапамагчы, калі своечасова не замяніць элемент сілкавання. 

Асаблівую ўвагу выратавальнікі надаюць пячному ацяпленню, бо з-за яго ў сукупнасці з чалавечай бестурботнасцю часта прыводзіць да сумных наступстваў. Для недапушчэння такіх інцыдэнтаў, выратавальнікі заклікаюць своечасова ліквідаваць парушэнні: замазваць расколіны, рамантаваць топачныя дзверцы, не дапускаць перакалу печы і, вядома ж, усталяваць на гаручую падлогу перадтопачны ліст адпаведных памераў.

У топе прычын гібелі на пажарах галоўную ролю адыгрывае злашчасная звычка, а менавіта – курэнне ў стане алкагольнага ап'янення. Як паказвае практыка, цыгарэты адбіраюць усе даступныя рэсурсы чалавека: час, здароўе, грашовыя сродкі і да ўсяго вышэй пералічанага дадаецца жыццё. А ўзамен не даецца ніякіх суперсіл, толькі крыху «туманнасці» свядомасці. Ці справядлівая цана?

Не варта недаацэньваць і пакіданне ежы на пліце. Цікавы серыял у іншым пакоі, 5-хвілінны забег у краму і вось гісторыя з разраду «Я паспею, не забуду» пераходзіць у менш бесклапотную, дзе агонь бескантрольна псуе кухонны посуд і мэблю.

Электрапрыборы шчыльна ўвайшлі ў нашы будні. Ні дня мы не можам уявіць, як правядзём без свайго ўсёведаючага смартфона, мікрахвалевай печы, электрачайніка. Аднак і гэтая частка выгоды тоіць у сабе небяспеку. Адпачываючы ноччу, сярэднестатыстычны карыстальнік ставіць смартфон на зарадку, каб раніцай з новымі сіламі за кубкам кавы прагартаць стужку навін. Але раніца можа не наступіць. Бо нават цалкам зарадзіўшыся, зарадная прылада не перастае функцыянаваць, што ў сваю чаргу пры пэўных няспраўнасцях электрасеткі можа стаць вінаватым смерці свайго гаспадара. Да гэтага таксама можна аднесці і старую праводку, якая страціла свае ізаляцыйныя ўласцівасці.

Пасля тлумачэнняў выратавальнікаў, кожны слухач паставіў пад сумненне бяспеку свайго жылля. А гэта значыць, што вярнуўшыся дадому, жыхары змогуць спакойна прымяніць атрыманыя веды на практыцы і зрабіць са свайго дома сапраўдную «крэпасць бяспекі».