Каля 16 тыс. рублёў на мытных плацяжах паспрабаваў сэканоміць латвійскі перавозчык, не ўказаўшы ў дакументах частку тавараў, якія ўвозіліся на тэрыторыю ЕАЭС

Каля 16 тыс. рублёў на мытных плацяжах паспрабаваў сэканоміць латвійскі перавозчык, не пазначыўшы ў дакументах частку ўвозімых на тэрыторыю ЕАЭС тавараў. Цяпер яму прыйдзецца выплаціць недастаючыя плацяжы, а яшчэ і штраф за здзяйсненне адміністрацыйнага правапарушэння.

Грузавік DAF са зборным грузам прыбыў для афармлення ў пункт пропуску «Грыгароўшчына», дзе яго і дагледзелі віцебскія мытнікі.

Устаноўлена, што 140 адзінак бытавой тэхнікі, аўдыёапаратуры, посуду, тэкстылю і пасцельных прыналежнасцей, фактычна знаходзяцца ў транспартным сродку, а ў таварасуправаджальных дакументах не значацца.

Кошт «няўлічаных» тавараў склаў каля 155 тыс. рублёў.

У дачыненні да латвійскага перавозчыка Віцебская мытня пачала адміністрацыйны працэс у адпаведнасці з ч. 1 арт. 15.5 КаАП Рэспублікі Беларусь (недэклараванне). Памер штрафу, згодна з санкцыяй артыкула, складзе да 30% ад кошту незаконна перамяшчаемага тавару.

 

Па матэрыялах Віцебскай мытні