Падлеткі без нагляду каля вады

Асаблівы акцэнт хочацца зрабіць на бяспецы падлеткаў ля вадаёмаў. Яны часам паводзяць сябе занадта бестурботна, самаўпэўнена, бегаюць і балуюцца ля вады, не адчуваючы ніякай небяспекі. Бацькі павінны разумець, што, колькі б ні было гадоў дзіцяці, будзь ён дашкольнікам або навучэнцам, ён не павінен знаходзіцца ля вады без нагляду дарослых. І менавіта бацькі абавязаны пагаварыць з дзецьмі пра ўсё, што можа адбыцца, папярэдзіць пра небяспеку і растлумачыць наступствы:

Няшчасны выпадак адбыўся 23 чэрвеня на рацэ Сухадроўка ў Віцебскай вобласці. Кампанія дзяцей купалася на рацэ без нагляду дарослых, дзе васьмікласніца была з іх старэйшая. Раптам 8-гадовы хлопчык пачаў тануць і дзяўчынка кінулася яму на дапамогу. Яна выратавала хлопца, а сама выбрацца не змагла. Дзеці на беразе спалохаліся і пабеглі ў вёску па дарослых. Бацька патанулай дзяўчынкі пабег ратаваць дачку, а сусед паехаў у ўрачэбную амбулаторыю і прывёз двух урачоў. Да прыбыцця хуткай медыцынскай дапамогі ўрачы праводзілі рэанімацыйныя мерапрыемствы. Дзяўчынку выратаваць не ўдалося.

11 ліпеня ў рацэ Іпуць каля аграгарадка Улукаўе Гомельскага р-на патануў 10-гадовы хлопчык. Жыхарка Жлобіна прыехала з двума дзецьмі да знаёмага ў вёску пад Гомелем. Мужчына прапанаваў прагуляцца да ракі Іпуць. 10-гадовы хлопчык спусціўся да ракі, разам з ім пайшла яго 8-гадовая сястра. Калі дзяўчынка распавяла, што яе брат тоне, знаёмы маці максімальна глыбока зайшоў у ваду, але дацягнуцца да танучага дзіцяці не змог. Участак берага не быў абсталяваны для купання. Цела хлопчыка дастаў з вады прыбыўшы работнік АСВОДа. Пазней стала вядома, што ні мужчына, ні хлопчык, ні яго маці не ўмелі плаваць.

13 ліпеня ў возеры Літоўка каля аднайменнай вёскі Навагрудскага раёна патанула 15-гадовая дзяўчына. Як распавялі мясцовыя жыхары, на возеры ўначы адпачывала кампанія маладых людзей. Непаўналетняя дзяўчынка, жыхарка адной з навакольных вёсак, вырашыла паплаваць разам са сваёй сяброўкай. У ваду таксама пайшоў 33-гадовы мужчына. Ён заўважыў, што на глыбіні падлеткі сталі чапляцца адзін за аднаго, зразумеў, што яны тонуць, паспяшаўся на дапамогу. Дзяўчаты сталі хапаць мужчыну за рукі. Але той сам дрэнна плаваў, таму вярнуўся на бераг і патэлефанаваў ратавальнікам. З вады было вынята цела 15-гадовай дзяўчыны, яе 14-гадовую сяброўку шпіталізавалі.

У Лепелі падлетак атрымаў сур'ёзныя траўмы падчас пляжнага адпачынку. Здарэнне адбылося 24 ліпеня. Кампанія з чатырох непаўналетніх адпачывала на беразе ракі Ула. Хлопец, якому ў гэты дзень споўнілася 15 гадоў, вырашыў нырнуць у раку з абрыву. Не разлічыўшы свае сілы, малады чалавек ударыўся аб пясчаны бераг ракі. Рыбачыўшы непадалёк відавочца выклікаў хуткую медыцынскую дапамогу. Падлетак быў тэрмінова шпіталізаваны.

28 ліпеня на Шчары ў Слоніме патануў 13-гадовы падлетак. Падзеі развіваліся наступным чынам. На рацэ ў гарадской рысе адпачывалі некалькі хлопцаў. Адзін з іх скокнуў у ваду, а пасля, спатыкнуўшыся, апынуўся на глыбіні. Сябры спачатку спрабавалі самі дапамагчы, а затым звярнуліся да байдарачнікаў, якія праплывалі міма. Яны і дапамаглі выцягнуць цела з вады: выратаваць падлетка не ўдалося.

Важна! Правілы для бацькоў: - не адпускайце дзіця на пляж аднаго; - не выпускайце яго з поля зроку, калі ён плавае (не варта спадзявацца на тое, што дзіця ўжо вялікае і выдатна плавае); - выбірайце абсталяваны пляж, бо там дзяжураць ратавальнікі.