Аддзел па раскрыцці злачынстваў папярэджвае

Аддзел па раскрыцці злачынстваў у сферы высокіх тэхналогій УУС Віцебскага аблвыканкама папярэджвае аб пачасціўшыхся выпадках махлярстваў у сетцы Інтэрнэт і крадзяжах сродкаў з рахункаў грамадзян, шляхам спекуляцыі тэмай распаўсюджвання каранавіруса COVID-19.

Зламыснікі, карыстаючыся зацікаўленасцю грамадства да гэтай праблемы, гуляючы на пачуцці спагады і страху, не ўпускаюць магчымасць узбагаціцца за кошт добрапрыстойных грамадзян. Ва ўмовах пандэміі фіксуецца вялікая колькасць махлярстваў, звязаных з завалоданнем сродкаў, якія збіраюцца нібыта на дабрачынныя мэты для хворых людзей і медыцынскага персаналу. Для гэтага злачынцамі арганізуюцца масавыя Інтэрнэт-рассылкі адпаведных паведамленняў з просьбамі аказання матэрыяльнай дапамогі, ажыццяўляюцца тэлефонныя званкі ад імя розных арганізацый, у тым ліку з падменай абаненцкага нумара, ствараюцца і выкарыстоўваюцца ў злачынных мэтах Інтэрнэт-сайты, якія імітуюць афіцыйныя сайты медыцынскіх, дабрачынных і іншых арганізацый.

УУС Віцебскага аблвыканкама заклікае грамадзян не губляць пільнасць. Аберагаючы сваё здароўе і здароўе сваіх блізкіх, падстаўляючы плячо тым, хто мае патрэбу, важна памятаць, што свет, на жаль, не складаецца з толькі сумленных людзей. Просім, з асцярожнасцю ставіцца да любых атрыманых Вамі паведамленняў і знойдзеных заклікаў дапамогі, асабліва ад старонніх арганізацый. Настойліва рэкамендуем пры ажыццяўленні дабрачыннасці выкарыстоўваць правераныя дабрачынныя пляцоўкі.