Асноўныя правілы пажарнай бяспекі пры эксплуатацыі пячнога ацяплення

Перад пачаткам ацяпляльнага сезона коміны і печы павінны быць ачышчаны ад сажы (ачыстка праводзіцца не радзей:

аднаго разу ў 3 месяцы – для ацяпляльных печаў;

аднаго разу ў 2 месяцы – для печаў і ачагоў бесперапыннага дзеяння;

аднаго разу ў 1 месяц – для кухонных пліт і іншых печаў бесперапыннай (доўгачасовай) топкі);

печы, паверхні труб і сцен, у якіх праходзяць дымавыя каналы, павінны быць спраўнымі, без расколін, а на гарышчах – атынкаваны і пабелены для візуальнага кантролю з'яўлення расколін і дэфектаў;

топка печаў павінна спыняцца не менш чым за 2 гадзіны да адыходу пражываючых да сну;

попел і шлак, выграбаемыя з топак, павінны быць праліты вадой і выдалены ў месца, размешчанае на адлегласці не менш за 15 м ад будынкаў (збудаванняў). Пры немагчымасці адвесці месца на адлегласці не менш за 15 м ад будынкаў (збудаванняў) дапускаецца складаць попел, шлак у кантэйнерах, выкананых з негаручых матэрыялаў, з шчыльна закрываным вечкам, якія павінны размяшчацца на адлегласці не менш за 6 м ад будынкаў (збудаванняў).

Пры эксплуатацыі пячнога ацяплення не дапускаецца:

ажыццяўляць топку няспраўных печаў;

прымяняць для распальвання печы лёгкаўзгаральныя і гаручыя вадкасці;

выкарыстоўваць для топкі печаў дровы, даўжыня якіх перавышае памеры топкі;

тапіць печы з адкрытымі дзверцамі;

перакальваць печы;

пакідаць без нагляду печы, якія топяцца, а таксама даручаць нагляд за імі дзецям;

тапіць вуглём, коксам і газам печы, не прызначаныя для гэтых відаў паліва;

эксплуатаваць печ пры адсутнасці стацыянарнай абароны падлогі з гаручых матэрыялаў негаручым ліставым або плітным матэрыялам памерамі не менш за 0,7 x 0,5 м, які размяшчаецца доўгім бокам уздоўж печы.