Аб сертыфікацыі суб'екту гандлю сродкамі забеспячэння пажарнай бяспекі і пажаратушэння

Увазе грамадзян Пастаўскага раёна аб важнасці выканання патрабаванняў Тэхнічнага рэгламенту Еўразійскага эканамічнага саюза.

Тэхнічны рэгламент Еўразійскага эканамічнага саюза «Аб патрабаваннях да сродкаў забеспячэння пажарнай бяспекі і пажаратушэння» (ТР ЕАЭС 043/2017) (далей – ТР ЕАЭС 043/2017) устанаўлівае абавязковыя для прымянення і выканання на тэрыторыях дзяржаў-членаў Еўразійскага эканамічнага саюза, у тым ліку Рэспублікі Беларусь патрабаванні да сродкаў забеспячэння пажарнай бяспекі і пажаратушэння (далей – прадукцыя), а таксама патрабаванні да маркіроўкі гэтых сродкаў для забеспячэння іх свабоднага перамяшчэння на тэрыторыях гэтых дзяржаў.

Згодна з пунктам 88 ТР ЕАЭС 043/2017 на прадукцыю павінна наносіцца маркіроўка, якая змяшчае інфармацыю аб найменні, тыпе (відзе), марцы, мадэлі, прызначэнні, асноўных тэхнічных параметрах і характарыстыках, таварны знак і (або) найменне вытворцы, а таксама аб краіне-вытворцы.

Такая маркіроўка павінна быць нанесена на рускай і (або) беларускай мове. Калі маркіроўку немагчыма нанесці непасрэдна на прадукцыю, то маркіроўка павінна быць нанесена на ўпакоўку і ўнесена ў тэхнічную дакументацыю (пашпарт, кіраўніцтва па эксплуатацыі і да т.п.), якая пастаўляецца з прадукцыяй.

Прадукцыя, указаная ў дадатку да ТР ЕАЭС 043/2017 падлягае абавязковаму пацвярджэнню адпаведнасці патрабаванням гэтага рэгламенту ў форме сертыфікацыі або дэкларавання (формы пацвярджэння таксама ўказаны ў дадатку да ТР ЕАЭС 043/2017).

Пацвярджэнне працэдур абавязковай ацэнкі адпаведнасці і наяўнасць дакументаў аб ацэнцы адпаведнасці прадукцыі, пры яе продажы ажыццяўляецца адным з наступных спосабаў*:

наяўнасцю на прадукцыі і (або) на яе спажывецкай упакоўцы маркіроўкі адзіным знакам абарачэння прадукцыі на рынку Еўразійскага эканамічнага саюза  або  (далей – знак ЕАС), арыгіналамі сертыфікатаў адпаведнасці або дэкларацый аб адпаведнасці, або іх электроннымі формамі, заверанымі электронным лічбавым подпісам, або іх копіямі, заверанымі пастаўшчыкамі (вытворцамі) прадукцыі, або ксеракопіямі, выкананымі з іх арыгіналаў;

наяўнасцю на прадукцыі і (або) на яе спажывецкай упакоўцы маркіроўкі адзіным знакам ЕАС, указаннем у суправаджальных дакументах, якія пацвярджаюць набыццё (паступленне) прадукцыі, рэгістрацыйных нумароў сертыфікатаў адпаведнасці або дэкларацый аб адпаведнасці ў адзіным рэестры выдадзеных сертыфікатаў адпаведнасці і зарэгістраваных дэкларацый аб адпаведнасці, дат рэгістрацыі і спынення дзеяння (тэрмінаў дзеяння) гэтых дакументаў з прадастаўленнем магчымасці спажыўцу па яго просьбе пераканацца ў наяўнасці інфармацыі аб гэтых дакументах у адзіным рэестры выдадзеных сертыфікатаў адпаведнасці і зарэгістраваных дэкларацый аб адпаведнасці.

Згодна з пунктам 118 ТР ЕАЭС 043/2017 знак ЕАС наносіцца на кожную адзінку прадукцыі і павінен быць выразным і ясным адлюстраваннем на працягу ўсяго тэрміну службы сродку забеспячэння пажарнай бяспекі і пажаратушэння, а таксама на тэхнічную дакументацыю і ўпакоўку.

Выпуск у абарачэнне (рэалізацыя, прапанова да рэалізацыі) прадукцыі на тэрыторыі Рэспублікі Беларусь без дакументаў аб ацэнцы яе адпаведнасці патрабаванням ТР ЕАЭС 043/2017, а таксама прадукцыі з парушэннем патрабаванняў гэтага рэгламенту (у тым ліку без маркіроўкі (не поўнай маркіроўкі) і (або) знака ЕАС) у адпаведнасці з часткай 1 артыкула 24.7 і часткай 1 артыкула 24.8 Кодэкса Рэспублікі Беларусь аб адміністрацыйных правапарушэннях цягнуць накладанне штрафу ў памеры да 15 базавых велічынь на службовую асобу, на індывідуальнага прадпрымальніка – да 100% ад кошту прадукцыі, а на юрыдычную асобу – да 100% ад кошту прадукцыі.

Для выключэння парушэнняў норм заканадаўства пры продажы прадукцыі неабходна праводзіць яе ўваходны кантроль на наяўнасць дакументаў аб ацэнцы адпаведнасці (сертыфікат або дэкларацыя, у залежнасці ад формы пацвярджэння адпаведнасці), знака ЕАС і неабходнай маркіроўкі шляхам зверкі суправаджальных дакументаў непасрэдна з прадукцыяй, зверкі статусу дакументаў аб ацэнцы яе адпаведнасці з адзіным рэестрам выдадзеных сертыфікатаў адпаведнасці і зарэгістраваных дэкларацый аб адпаведнасці ў глабальнай камп'ютарнай сетцы інтэрнэт (QR-код). Асаблівую ўвагу неабходна надаваць даце вырабу прадукцыі, бо яна ў абавязковым парадку павінна адпавядаць перыяду тэрміну дзеяння дакументаў аб ацэнцы адпаведнасці (выключэнне сертыфікацыі партыі прадукцыі).

Найменне прадукцыі і (або) вобласць яе прымянення з'яўляюцца асноўным крытэрыем аднясення прадукцыі да аб'екта тэхнічнага рэгулявання ТР ЕАЭС 043/2017.

За парушэнне вышэйзгаданых патрабаванняў прадугледжана адміністрацыйная адказнасць.