Неасцярожнасць пры курэнні – галоўная прычына пажараў

Бясспрэчным лідарам усіх вогненных здарэнняў з'яўляецца неасцярожнасць пры курэнні. Часцей за ўсё вінаватымі і ахвярамі агню ў такіх выпадках становяцца грамадзяне, якія злоўжываюць спіртным. Як вядома, людзі ў стане алкагольнага ап'янення цалкам або часткова губляюць кантроль над сваімі дзеяннямі і ўчынкамі. Нярэдка, падвыпіўшы чалавек, кідае, дзе трапіла непатушаныя недакуркі, кладзецца ў ложак з запаленай цыгарэтай і зусім не думае пра наступствы.

У большасці выпадкаў дадзеная катэгорыя грамадзян нараўне са сваёй бяспекай ставіць пад пагрозу жыццё сваіх блізкіх, а таксама людзей, якія пражываюць па суседстве. Практычна штодня ў зводках МНС фігуруюць падобныя здэранні.

6 лістапада ў 7-44 выратавальнікам паступіла паведамленне аб загаранні жылога дома па вуліцы Кірава ў горадзе Міёры Віцебскай вобласці. Па прыбыцці да месца выкліку падраздзяленняў МНС назіралася задымленне ўнутры дома. З дазволу гаспадыні дома, 1986 года нараджэння, у ім пражываў яе айчым, 1959 года нараджэння. Мужчына нідзе не працаваў, суседзямі характарызаваўся, як злоўжываючы спіртнымі напоямі. У ходзе тушэння пажару работнікамі МНС у пакоі на падлозе было выяўлена два трупы: мужчыны, які пражываў у доме, і знаёмага, які знаходзіўся ў гасцях, асоба якога ў цяперашні час устанаўліваецца. У выніку пажару ў доме знішчана маёмасць, закапціліся сцены і столь. Разглядаецца версія – неасцярожнае абыходжанне з агнём пры курэнні адным з загінуўшых.

Чалавек, які курыць, падвяргае рызыцы не толькі сябе, але і блізкіх. Пра наступствы для здароўя даўно вядома: пасіўнае курэнне наносіць вялікую шкоду навакольным, але выкінуты недакурак цалкам можа прынесці бяду жыхарам ніжніх паверхаў. Папяльніца не ядзерная фізіка, а асвоіць мастацтва абыходжання з ёй – прасцей простага. Лепшы сродак засцерагчы сябе ад наступстваў тытуню – зусім кінуць курыць. Не забывайце, што «лятаючыя» і «п'яныя» недакуркі могуць стаць прычынай скалечаных жыццяў, паламаных лёсаў і спаленага дома.

Найбольшая колькасць пажараў з-за неасцярожнага абыходжання з агнём пры курэнні адбываецца ў вячэрні і начны час сутак. Падзеі развіваюцца імкліва і заўсёды па адным сцэнарыі, калі чалавек засынае з тлеючай цыгарэтай у руцэ, а праз некаторы час суседзі выклікаюць выратавальнікаў.

27 лістапада на Віцебшчыне ў агні загінулі трое мужчын.

У 5-37 выратавальнікам Талачына паступіла паведамленне аб пажары дома ў в. Падбярэззе Талачынскага раёна. На момант узнікнення пажару ў доме знаходзіўся яго гаспадар, 1964 года нараджэння, які нідзе не працаваў і любіў злоўжываць алкаголем. Падчас тушэння пажару яго труп быў выяўлены работнікамі МНС.

Гэтым жа днём у 10-08 выратавальнікам паступіла паведамленне аб пажары дома ў в. Абруб-Бярэзвечскі Глыбоцкага раёна. На месцы пажару работнікі МНС выявілі труп гаспадара жылля, пенсіянера, 1957 года нараджэння. Як расказалі суседзі, мужчына таксама любіў злоўжываць спіртным.

Каля поўначы 28 лістапада ў Віцебску адбыўся пажар жылога дома. Гаспадар жылля, 1963 года нараджэння, нідзе не працаваў і пражываў адзін. На момант узнікнення пажару ў гасцях у мужчыны знаходзіўся знаёмы пенсіянер, 1957 года нараджэння. Ён быў выяўлены выратавальнікамі ў пакоі ў непрытомным стане і вынесены на свежае паветра. Брыгадай хуткай медыцынскай дапамогі была канстатавана яго смерць.

У выніку пажараў у трох жылых дамах агнём пашкоджаны сцены, перакрыцці і маёмасць, праводзяцца праверкі. Прычына пажару ва ўсіх выпадках адна – неасцярожнае абыходжанне з агнём пры курэнні.

Не раскідваць непагашаныя недакуркі – гэта ж нават не патрабаванне пажарнай бяспекі, а звычайныя правілы паводзін нармальнага цывілізаванага чалавека. На жаль, многія грамадзяне не надаюць ім вялікага значэння. Людзі кураць у ложку, кідаюць недакуркі на падлогу, выкідваюць праз адкрытую фортку ў акно і сваімі рукамі ствараюць пажаранебяспечныя сітуацыі.